MTS
Papoŭnić bałans biez uniasieńnia realnych srodkaŭ mahčyma z pasłuhaj «Adkładzieny płaciež 5».
Termin pahašeńnia: 10 dzion.
Košt pasłuhi: 0,213 rub. (suma śpisvajecca adnym płaciažom pry kožnym padklučeńni pasłuhi).
Suma płaciaža: 1,00; 2,00; 3,00; 4,00 i 5,00.
Sposaby padklučeńnia:
- USSD-zapyt (biaspłatna ŭ sietcy MTS Biełaruś i ŭ roŭminhu): *113*Y# → «vyklik», dzie Y — suma płaciaža ŭ rublach;
- SMS-paviedamleńnie (biaspłatna ŭ sietcy MTS Biełaruś, płatna ŭ roŭminhu): na numar 087013; u tekście paviedamleńnia ŭkazać sumu ŭ rublach;
- Hałasavy infarmatar (biaspłatna, tolki ŭ sietcy MTS Biełaruś): patelefanujcie pa numary 087013 i prytrymlivajciesia instrukcyjaŭ:
- Internet-Pamočnik (u sietcy MTS Biełaruś płata za mabilny internet nie biarecca, uklučany trafik nie tracicca): zajści na sajt Internet-Pamočnika → prajści aŭtaryzacyju → vybrać raździeł «Apłata», padraździeł «Abiacany płaciož» → uvieści sumu ŭ rublach, nacisnuć «Dalej» → nacisnuć «Papoŭnić rachunak»;
- Mabilny dadatak «Moj MTS» (u sietcy MTS Biełaruś płata za mabilny internet nie spahaniajecca, uklučany trafik nie vydatkoŭvajecca): zajści ŭ dadatak → prajści aŭtaryzacyju → vybrać raździeł «Finansy», padraździeł «Abiacany płaciož» → uvieści sumu ŭ rublach → nacisnuć «Papoŭnić rachunak».
Skarystacca pasłuhaj možna pry ŭmovach:
- Luby taryfny płan MTS, akramia taryfnych płanaŭ «Haściavy», «Haściavy 7», «Haściavy 30».
- Adsutnaść užo padklučanaj na numar pasłuhi «Terminovy kredyt 10».
- Na momant padklučeńnia pasłuhi zapazyčanaść składaje nie bolš za 1,00 rubiel.
- Adsutnaść poŭnaj błakiroŭki numara.
Źviarnicie ŭvahu: dla pahašeńnia pasłuhi nieabchodna papoŭnić rachunak tak, kab bałans zastaŭsia stanoŭčym, u advarotnym vypadku numar budzie zabłakavany. Paŭtorna skarystacca pasłuhaj možna tolki paśla pahašeńnia papiaredniaha płaciažu.
Daviedkavuju infarmacyju možna atrymać pa karotkim numary 0890.
Velcom
Na siońnia Velcom prapanuje svaim karystalnikam vialikuju kolkaść funkcyj. Adnak takaja pasłuha, jak «Adkładzieny płaciež», adsutničaje. U jakaści alternatyvy kampanija prapanuje paskareńnie papaŭnieńnia bałansa z pasłuhaj «Rehistracyja apłaty».
Sposaby aktyvacyi:
- USSD-zapyt (biaspłatna dla abanientaŭ Velcom): *141*1# → «vyklik». Na dyspłei vy ŭbačycie apaviaščeńnie «Paznačcie datu apłaty ŭ farmacie dd/mm/hh». Prapisvajem datu, paznačanuju ŭ čeku. Zatym — sumu apłaty (taksama pa čeku) i sposab jaje ŭniasieńnia (1 — praz adździaleńnie banka; 2 — kredytnaj kartkaj; 3 — u adździaleńni pošty; 4 — praz adździaleńnie apieratara Velcom);
- Zvanok u słužbu daviedki (biaspłatna dla abanientaŭ Velcom): patelefanujcie pa servisnym numary 410 abo 411 i paprasicie śpiecyjalista aktyvavać pasłuhu. Nieabchodna budzie pradyktavać apierataru ŭsie dadzienyja ab apłacie (jak i pry adpaviednym USSD-zapycie), paznačanyja ŭ čeku.
Źviarnicie ŭvahu: dadzienaja pasłuha dastupna tolki dla tych abanientaŭ, jakija karystajucca taryfnymi płanami z avansavaj sistemaj raźliku.
Life
Pry nulavym bałansie apieratar prapanuje dźvie pasłuhi: «Dadatkovyja hrošy» i «Kredyt na dzień».
«Dadatkovyja hrošy»
Termin dziejańnia i pahašeńnia: 7 dzion.
Košt pasłuhi: biaspłatna pry pahašeńni zapazyčanaści na praciahu 24 hadzin; 0,19 rub. — pry pahašeńni na druhi dzień (suma śpisvajecca adnym płaciažom praz 24 hadziny paśla aktyvacyi pasłuhi pry kožnym padklučeńni pasłuhi).
Suma płaciaža: 2,00.
Sposaby padklučeńnia:
- USSD-zapyt (biaspłatna dla abanientaŭ): *120# - 1 — 2;
- Asabisty kabiniet na sajcie apieratara;
- Mabilny dadatak «Smart life:)».
Źviarnicie ŭvahu: pa zakančeńni termina dziejańnia pasłuha deaktyvujecca, niavykarystanaja rešta anulujecca, na bałansie ŭtvarajecca zapazyčanaść. Paŭtorna skarystacca pasłuhaj možna tolki paśla pahašeńnia papiaredniaha płaciažu.
«Kredyt na dzień» — daterminovaja aktyvizacyja taryfa z adterminoŭkaj płaciaža
Termin pahašeńnia: 24 hadziny.
Sposaby padklučeńnia:
- USSD-zapyt (biaspłatna dla abanientaŭ): *110# → «vyklik»;
- Asabisty kabiniet na sajcie apieratara;
- Mabilny dadatak «Smart life:)».
Skarystacca pasłuhaj mohuć abanienty taryfnych płanaŭ «jo600» i «jo1200».
Źviarnicie ŭvahu: paśla aktyvacyi vam budzie pradastaŭleny adpaviedny taryfnamu płanu pakiet pasłuh. Pry hetym adbyvajecca śpisańnie płaty za pasłuhu «Tvoj dzień» (z ulikam najaŭnych hrošaŭ) i farmiravańnie zapazyčanaści.
Daviedkavuju infarmacyju možna atrymać pa numary 909.
