Pry pažary 26 lipienia ŭ ahraharadku Lasny Minskaha rajona zahinuli dvoje dziaciej, piša mlyn.by.
Paviedamleńnie pra zaharańnie ŭ pakoi na piatym paviersie internata pastupiła ŭ MNS apoŭnačy. Rabotniki MNS vynieśli z pakoja na śviežaje pavietra i pieradali bryhadzie chutkaj dapamohi dvaich dziaciej 2014 i 2011 hoda naradžeńnia. Paśla praviadzieńnia reanimacyjnych mierapryjemstvaŭ miedyki kanstatavali śmierć.
Na momant zdareńnia brat ź siastroj znachodzilisia doma adny. Dzieci pražyvali z baćkam. Jon znachodziŭsia na rybałcy. Maci doma źjaŭlałasia redka.
Pa słovach vidavočcaŭ, žycharoŭ doma №6, jaki znachodzicca nasuprać 4-ha internata, kala apoŭnačy pačulisia žudasnyja kryki. Ludzi adrazu ž vybiehli na vulicu i ŭ hety momant ŭbačyli śpiecmašyny - chutkuju, MNS, milicyju.
- Kali my ŭžo padyšli da krajniaha padjezda, ubačyli, jak vynosiać dvaich maleńkich dziaciej biez prytomnaści. Kala 50 chvilin chutkaja zmahałasia za žyćcio dziaciej. Šmat ludziej - vidavočcy, susiedzi — malilisia, pieražyvali kala mašyny reanimacyi. Ludzi stajali ŭ chałatach, z hrudnymi dziećmi, vybiehli ŭ čym byli, - raspaviadaje śviedka.
Nažal, dziaciej 4 i 6 hadoŭ nie zmahli vyratavać.
Baćka pryjechaŭ paźniej. Za im — babula. Maci tak i nie źjaviłasia.
