Rasijskaja vajskovaja baza ŭ Armienii źjaŭlajecca važnaj častkaj sistemy biaśpieki hetaj krainy. Pra heta ŭ intervju hałoŭnamu redaktaru radyjostancyi «Echo Moskvy» Alaksieju Vieniadziktavu paviedamiŭ premjer-ministr Armienii Nikoł Pašynian.
«U nas jość damovy, i pa hetych damovach vajskovaja baza maje kankretnyja abaviazacielstvy. Heta nie značyć, što ŭ nas niama nijakich prablem ź dziejnaściu vajskovaj bazy. Ale isnavańnie 102-j vajskovaj bazy rasijskaj u Armienii adpaviadaje nacyjanalnym intaresam Respubliki Armienija. Heta nie toje, što adpaviadaje maim ujaŭleńniam abo ŭjaŭleńniam taho ci inšaha ŭrada. Heta adpaviadaje nacyjanalnym intaresam Respubliki Armienija — heta jasna ŭsim», - raspavioŭ jon.
Pašynian padkreśliŭ, što status-kvo adnosna rasijskaj bazy ŭ Armienii budzie zachoŭvacca. «Rasijskija pamiežniki - jany achoŭvajuć miažu pamiž Turcyjaj i Armienijaj. I heta vielmi patrebna Armienii, bo dla nas vielmi dobra, što my vyzvalenyja faktyčna, našy ŭzbrojenyja siły vyzvalenyja ad hetaha abaviazacielstva.
Bo dla nas było b vialikaj nahruzkaj uziać na siabie takuju adkaznaść abarony hetaj doŭhaj miažy», - ukazaŭ premjer-ministr i dadaŭ, što nie źbirajecca «vykidvać» — rasijskich vajskoŭcaŭ z krainy.
