Fota sa Źjezda biełarusaŭ śvietu ŭ 2017 hodzie
MUS padrychtavała zakonaprajekt, pavodle jakoha zamiežniki ŭ našaj krainie zmohuć nie rehistravacca na praciahu 10 dzion, piša Tut.by.
Zaraz zamiežnik, jaki pryjazdžaje ŭ Biełaruś, pavinien na piaty dzień zarehistravacca ŭ adździaleńni pa hramadzianstvie i mihracyi.
Adnak, jak paviedamiŭ na bryfinhu načalnik adździeła departamienta pa hramadzianstvie i mihracyi MUS Vadzim Zabaronak, termin znachodžańnia zamiežnikaŭ biez rehistracyi chočuć pavialičyć da 10 dzion.
Nahadajem, 24 lipienia Alaksandr Łukašenka padpisaŭ ukaz, pa jakim termin biaźvizavaha znachodžańnia zamiežnych hramadzian u Biełarusi pavialičany z 5 da 30 sutak pry ŭmovie ich ŭjezdu ŭ krainu i nastupnaha vyjezdu praź dziaržaŭnuju miažu ŭ Nacyjanalnym aeraporcie Minsk.
Raniej termin u piać dzion dla biaźvizu ŭstanaŭlivaŭsia ŭ tym liku i z ulikam taho, što paśla hetaha zamiežnikam nieabchodna rehistracyja.
