40-hadovy indyvidualny pradprymalnik, hramadzianin Hruzii, jaki žyvie ŭ Mahilovie, pasvaryŭsia z 34-hadovym niepracujučym hramadzianinam Rasii. Apošni telefanavaŭ pryjacielu, kab toj viarnuŭ doŭh — 300 dalaraŭ. Adnak mužčyny tolki jašče bolš pasvarylisia, kali pradprymalnik zajaviŭ, što hrošy viartać nie maje namieru.
Tady pryjaciel abiacaŭ pryjechać, pryznačyŭ sustreču, na jakuju pryjšoŭ z nažom. Kali arhumienty skončylisia, jon dastaŭ svaju zbroju i pačaŭ bić im apanienta ŭ hrudzi, a paśla sieŭ u mašynu i źjechaŭ.
Ale ž milicyja zatrymała ahresara. Na pytańnie pravaachoŭnikaŭ ab tym, navošta mužčyna dziejničaŭ takimi radykalnymi mietadami, jon adkazaŭ, što siabar nie trymaje dadzienaje słova, a značyć pavinien adkazać za heta. Ciapier mužčynu pahražaje da 10 hadoŭ, paviedamlaje mahiloŭskaja milicyja.
