U Homieli ratavalniki pryjšli na dapamohu piacihadovaj dziaŭčyncy, jakaja stajała ŭ adkrytym aknie bałkona na 9-m paviersie, paviedamlaje MNS.
112.by
Zdareńnie adbyłosia na vulicy Kožara 24 lipienia. Ratavalnikam sihnał pastupiŭ u 18:23: u adkrytym aknie bałkona stajała dziaŭčynka.
Padraździaleńni MNS apieratyŭna prybyli na miesca. «Adzin z ratavalnikaŭ padniaŭsia na pavierch, razmaŭlajučy ź dziaŭčynkaj praz začynienyja ŭvachodnyja dźviery, zdoleŭšy adciahnuć uvahu i prymusić adyści ad akna. U hety čas druhi vyratavalnik padniaŭsia pa pažarnaj aŭtaleśvicy i patrapiŭ u kvateru praz akno. Vyśvietliłasia, što dziaŭčynka była adna doma biez darosłych», — raspaviali ŭ MNS.
25-hadovaja maci, sychodziačy z doma, paprasiła pryhladzieć za 5-hadovaj dačkoj i 9-hadovym synam starejšuju siastru. Ale siastra niekudy syšła, a starejšaje dzicia vyrašyła pahulać na vulicy, dziaŭčynka zastałasia doma adna.
Jak adznačyli ŭ MNS, kožny vypadak pakidańnia małaletnich dziaciej biez nahladu darosłych u viedamstvie ličać nadzvyčajnaj situacyjaj.