Apieratar Life z 1 žniŭnia pavysić košt pasłuh suviazi. Košt dziejučych taryfaŭ u siarednim vyraście na 6,5%. Pry hetym u niekatoryja taryfy dadajecca bieźlimitny trafik dla Instagram i Twitter.

U taryfy «Siamja» i «Mulciniet» da bieźlimitu na mesendžary Viber, WhatsApp, BiP dadasca bieźlimit na Telegram, taksama stanie bolš uklučanych chvilin i trafiku na inšyja resursy. Archiŭnyja taryfy padaražejuć u siarednim na 8%.

U archiŭnyja taryfy S, M, L, XL (z abaviazacielstvami) i XXL dadajucca miehabajty i bieźlimitny internet na mesendžar Telegram. Košt S, M, L vyraście na 1 rubiel. Taksama źmianieńnie koštu zakranie i inšyja archiŭnyja taryfnyja płany.

Asnoŭnaje źmianieńnie ŭ dadatkovych pakietach — pavieličeńnie koštu, jakoje skłała ad 20 kapiejek da 1 rubla. Źmieniacca taryfy na roŭminh i mižnarodnuju suviaź. Pavyšeńnie zakranie mižnarodnyja SMS, jany padaražejuć da 13 kapiejek. Košt pakietaŭ chvilin, SMS i trafiku ŭ roŭminhu pavialičycca ŭ siarednim na 11%.

Što tyčycca dadatkovych pasłuh, to padaražeje ich nievialikaja častka.

Клас
0
Панылы сорам
0
Ха-ха
0
Ого
0
Сумна
0
Абуральна
0