U rasijskaj presie i palityčnych telehram-kanałach pačała źjaŭlacca infarmacyja pra novaha imaviernaha pasła Rasii ŭ Biełarusi Michaiła Babiča. Praz adsutnaść publičnaści ŭ spravie pryznačeńnia novaha pasła, spraŭdzić usiu hetuju infarmacyju pakul niemahčyma.

Michaił Babič. Fota: kremlin.ru.

Michaił Babič. Fota: kremlin.ru.

Asabliva aktyŭna abmiarkoŭvajecca novaja pasada Babiča ŭ nižaharodskaj presie — raniej Babič pracavaŭ pradstaŭnikom Pucina ŭ Pryvołžskaj fiederalnaj akruzie z centram u Nižnim Noŭharadzie.

Vydańnie «Viersija» piša, što Babič — niezvyčajnaja fihura dla biełaruska-rasijskich dypłamatyčnych adnosin, tamu što jašče nikoli raniej Maskva nie pryznačała pasłom u Minsku siłavika.

Telehram-kanał «Nižaharodski ekśpiert» paviedamlaje, što Babič moža i nie pajechać u Biełaruś.

Telehram-kanał śćviardžaje, što ŭ pasolstvie Biełarusi ŭ Maskvie jašče miesiac tamu abmiarkoŭvali frazu nibyta samoha Łukašenki pra pierśpiektyvy pryznačeńnia Babiča:

«Kali Rasija choča vybudoŭvać ź Biełaruśsiu ekanamičnyja adnosiny — chaj prysyłajuć ekanamista. Kali palityčnyja — chaj prysyłajuć palityka. Ale jakich jany chočuć adnosin, kali prysyłajuć dyviersanta? [Babič słužyŭ u PDV i KDB — Red.]»

Telehram-kanał «Staraja płošča» ličyć, što kandydaturu Babiča prapanavali naŭmysna, kab Biełaruś, jak raniej i Ukrainie, jaho nie ŭzhadniła i nie dała ahreman. Tady ŭ rasijskaha boku buduć «raźviazanyja ruki» na šmatlikija palityčnyja kroki.

«Fihura Babiča, vidavočna, pamiž chaŭruśnikami nieŭzhadnialnaja. Kali ŭnutry krainy jon moža być vykarystany dla žorstkaj muštry ŭ rehijonach, jakija adarvalisia [mienavita ŭ časy kiravańnia Babiča ŭ Pryvołžskaj fiederalnaj akruzie rasijskija ŭłady admovilisia praciahvać termin dziejańnia dahavora pra paŭnamoctvy pamiž Rasijaj i Tatarstanam, jaki raniej davaŭ respublicy nie aby-jakija paŭnamoctvy — Red.], to ŭ dypłamatyi nastrojki tančejšyja.

Admova biełarusami ŭ ahremanie daść padstavu prezidentu Rasii nie zajmacca «pierazahruzkaj» našych adnosin, a tarpiedavać apošniuju biaskoncuju frondu Baćki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?