U byłoha hałoŭnaha treniera «Mančestera Junajted» Aleksa Fierhiusana, jaki pieranios apieracyju z-za krovaźlićcia ŭ mozh, nazirajucca pieršyja prykmiety palapšeńnia.
Pavodle infarmacyi Daily Mail, 76-hadovy šatłandziec pa-raniejšamu znachodzicca ŭ adździaleńni intensiŭnaj terapii, ale ŭ paniadziełak jon vyjšaŭ z komy, «siadzieŭ i razmaŭlaŭ sa svaimi svajakami i siabrami».
Jak paviedamlajuć blizkija Fierhiusana, apieracyja prajšła paśpiachova, i reakcyja arhanizma na lačeńnie ŭsialaje aściarožny aptymizm. Razam z tym daktary pryznajuć, što pacyjentu treba budzie doŭhaje adnaŭleńnie.
Fierhiusan paskardziŭsia na drennaje samaadčuvańnie ŭ čaćvier, a ŭ piatnicu byŭ špitalizavany i praapieravany.
Fierhiusan treniravaŭ «Mančestar Junajted» 27 hadoŭ (1986-2013) i vyjhraŭ z kłubam 38 trafiejaŭ, u tym liku 13 čempijonskich tytułaŭ ŭ Anhlii i dźvie Lihi čempijonaŭ.
