«Krumkačy», vyklučanyja z vyšejšaj lihi, padali zajaŭku na vystup u druhoj lizie. Faktyčna heta novaja jurydyčnaja asoba, novy kłub, zarehistravany jak «NFK «Krumkačy». Dzianis Šunto, vyhladaje, da novaha kłuba adnosin nie maje.
Adzin z zasnavalnikaŭ novaj kamandy pijanist Juryj Blinoŭ raskazaŭ Tribuna.com, jak rasšyfroŭvajecca abrevijatura u naźvie kamandy.
— Uklučyć hetuju abrevijaturu ŭ nazvu było ahulnym rašeńniem. I my jaje navat aficyjna nie rasšyfroŭvali. NFK — nas tak i zarehistravali. Kožny moža pad litaraj «N» razumieć toje, što jamu bolš padabajecca: naš, novy, narodny, niaskorany… Što zaŭhodna. Traktavać možna pa-roznamu. Asabista mnie bolš pa dušy vyznačeńnie «naš futbolny kłub». Dumaju, jano dakładniej adlustroŭvaje sutnaść kamandy, — raspavioŭ Blinoŭ.
