Kłub NCHŁ «Čykaha Błekchoks» ŭ matčy suprać «Vinipieh Džets» straciŭ usich svaich bramnikaŭ. Ale na dapamohu kłubu pryjšoŭ 36-hadovy buchhałtar Skot Fostar (Scott Foster), jaki raniej nikoli nie hulaŭ na prafiesijnym uzroŭni, paviedamlaje Tjournal.
Fostar prybyŭ na arenu ŭ jakaści hulca dla «ekstranaj zamieny». Hałoŭny varatar kamandy Kory Kroŭfard (Corey Crawford) znachodziŭsia ŭ łazarecie z kanca śniežnia, a hałkipier Anton Forśbierh (Anton Forsberg) padčas raźminki paciahnuŭ pachvinu. Akramia Fostara, u «Čykaha» zastavaŭsia 23-hadovy bramnik Kolin Delia (Collin Delia), taksama nikoli nie hulaŭ za asnoŭnuju kamandu (jaho zaprasili z reziervovaha farm-kłuba).
Ale ŭ trecim pieryjadzie za 14 chvilin da finalnaj sireny pry liku 6:2 na karyść «Čykaha» Delia taksama atrymaŭ traŭmu i nie zmoh praciahnuć hulniu. Nadyšła zornaja hadzina Fostera: jon adbiŭ siem kidkoŭ i staŭ pieršaj zorkaj dnia NCHŁ, zachavaŭšy varoty kamandy ŭ niedatykalnaści da kanca pajadynku. A fanaty «Čykaha» ŭ kancy matča pačali skandavać jaho proźvišča.
Fostar padpisaŭ adnadzionny kantrakt z kłubam niepasredna pierad matčam rehularnaha čempijanatu NCHŁ suprać «Vinipiehu». Da hetaha z 2002 pa 2006 hod jon vystupaŭ u amatarskaj studenckaj lizie NCAA, paśla čaho zaviaršyŭ karjeru. Mužčyna ŭvachodzić u hrupu varataroŭ-amataraŭ, jakich mohuć pryciahnuć u jakaści «ekstranaj zamieny» dla chatnich hulniaŭ kamandy.
U NCHŁ užo doŭhija hady isnujuć praktyki vykliku varataroŭ-amataraŭ dla «ekstranaj zamieny». U adpaviednaści z rehłamientam lihi, u zajaŭcy na matč abaviazkova pavinny być dva hałkipiera, adzin ź jakich u poŭnaj ekipiroŭcy znachodzicca na łaŭcy zapasnych. Ale vypadki vychadu na lod amataraŭ adzinkavyja i jany, jak praviła, adbyvajucca za siekundy da kanca pajadynku.
Akramia taho, hulnia «Čykaha» z «Vinipieh» stała pieršym vypadkam z 1987 hoda i trecim — z 1944 hoda, kali ŭ adnym matčy za adnu kamandu debiutavali adrazu dva bramniki (Delia i Fostar).
