Reuters.com
Eks-pieršaja rakietka śvietu Viktoryja Azaranka prakamientavała svaju parazu ŭ paŭfinale Majami ad Słoan Styviens (6:3, 2:6, 1:6) u matčy, u kancy jakoha adčuvała vidavočnyja fizičnyja prablemy.
«Słova honaru, ja ŭvieś matč siabie adčuvała siabie niadobra. Mnie nie chapała chutkaści. Prosta ŭ pieršym secie ja jašče była śviežaja i ŭsio paśpiavała, a dalej pierastała. U vyniku ja pierastała bić pa miačy tak, jak pavinna była. … U kancy matču ja pačała adčuvać myšcu ściahna i nie mahła narmalna zhinać nohi».
U cełym, navat pamiž Indyjan-Uełsam (turnir u pačatku sakavika) i Majami ja vydatna dadała. Ciapier spadziajusia praciahnuć hulać i pracavać, bo dla taho, kab vychodzić ź situacyj nakštałt siońniašniaj, patrebna hulniavaja praktyka».
28-hadovaja biełaruska raspaviała, što sudovy razhlad ab apiecy nad jaje synam jašče nie skončany, i jana nie viedaje, jaki turnir stanie dla jaje nastupnym. Učora stała viadoma, što jana ŭvajšła ŭ zajaŭki majskich «Premjeraŭ» u Madrydzie i Rymie.