Adzin z najlepšych futbalistaŭ u historyi Biełarusi Alaksandr Hleb daŭ intervju vydańniu «Sajuz». U paŭabaroncy BATE spytali, čym adroźnivajucca biełarusy i ruskija.
Alaksandr Hleb. Fota by.tribuna.com.
«Čym padobnyja? Dy ŭsim (śmiajecca). Tolki što pašparty roznyja. Chiba što Rasieja — vielizarnaja kraina, šmatkanfiesijnaja. Stolki roznych nacyjanalnaściaŭ u vas. A ŭ nas nie tak. A tak, u pryncypie, my va ŭsim padobnyja. U mianie mama naohuł z Rasii, z Razani. Tak, ja biełarus, ale svajakoŭ u mianie bolš u Rasii, čym tut. U asnoŭnym jany žyvuć u Padmaskoŭi, Maskvie», — skazaŭ Hleb.
U 2015 hodzie ŭ intervju vydańniu Offside.by Hleb vykazaŭsia pra Alaksandra Łukašenka: «Ja ŭ kursie: u Jeŭropie ŭsio ličać, što Alaksandr Łukašenka — dyktatar. Ale heta niapraŭda. Časam jon byvaje strohim, ale dziakujučy jamu ŭ nas mnohija rečy źmianilisia. I na siońniašni dzień u Biełarusi dobra žyvuć. Nie prosta ž tak jaho abirajuć znoŭ i znoŭ voś užo dvaccać hadoŭ».
U 2017 hodzie Alaksandr Hleb skončyŭ Akademiju kiravańnia pry prezidencie.
