Uzrovień zachvorvańnia na hryp i vostryja reśpiratornyja infiekcyi ŭ Biełarusi ŭ hetym siezonie byŭ prykładna na 20% nižej, čym u minułym, 98,6% tych, chto zachvareŭ na hryp — niepryščeplenyja. Pra heta ŭ intervju prahramie «Kontury» telekanała ANT zajaviła Natalla Žukava, namieśnik ministra achovy zdaroŭja, hałoŭny dziaržaŭny sanitarny ŭrač Natalla Žukava, piša Tut.by.

Siarod pryčyn źnižeńnia ŭzroŭniu zachvorvańnia Žukava nazvała vysoki achop pryščepkami — bolš za 40% biełarusaŭ pryščapilisia ad hrypu.

Prakamientavała hałoŭny sanitarny ŭrač i epidemiju adru ŭ Vaŭkavysku. Jana nahadała, što ŭsiaho paćvierdžany dyjahnaz u 29 čałaviek. Akramia Vaŭkavyska, pa adnym vypadku zafiksavana ŭ Hrodzienskaj i Bresckaj vobłaści, ale hetyja vypadki žyćcia źviazany z Vaŭkavyskav, i adzin — u Homielskaj vobłaści, u siamji, niadaŭna jakaja viarnułasia z adpačynku.

Na pytańnie ab łakalizacyi epidemii, Natalla Žukava adznačyła, što možna «kazać z aściarožnaściu pra toje, što epidpraces zavieršany». Heta atrymałasia, dadała jana, dziakujučy vysokamu ŭzroŭniu vakcynacyi — 95-97% nasielnictva pryščeplenyja ad adru

Клас
Панылы сорам
Ха-ха
Ого
Сумна
Абуральна