U słuckuju balnicu ŭviečary 23 sakavika ŭ ciažkim stanie pastupili mužčyna i dźvie žančyny. Nastupnaj ranicaj mužčyna i adna z žančyn pamierli. Daktary praciahvajuć zmahacca za žyćcio apošniaj paciarpiełaj.

Hałoŭny doktar Słuckaj centralnaj rajonnaj balnicy Alaksandr Linkievič raspavioŭ mlyn.by:

— Pacyjenty nie zmahli rastłumačyć, što ź imi zdaryłasia, bo znachodzilisia ŭ krytyčnym stanie. Supracoŭniki milicyi paviedamili nam, što, pavodle papiarednich dadzienych, mužčyna i dźvie žančyny napiaredadni raśpivali nieviadomuju śpirtaźmiaščalnuju vadkaść. U subotu ranicaj 67-hadovy słuččak i 61-hadovaja žycharka rajona pamierli.

Pa słovach Alaksandra Linkieviča, daktary da hetaha času zmahajucca za žyćcio 55-hadovaj žančyny, jakaja ŭ ciažkim stanie znachodzicca ŭ reanimacyjnym adździaleńni balnicy.

Abstaviny zdareńnia vyśviatlajuć supracoŭniki Słuckaha rajonnaha adździeła ŭnutranych spraŭ.

Клас
Панылы сорам
Ха-ха
Ого
Сумна
Абуральна