Minsk siońnia dałučycca da akcyi «Hadzina Ziamli» i ad 20.30 da 21.30 zhasić ahni padśviatleńnia znakavych architekturnych abjektaŭ, paviedamili BiełTA ŭ Minskim haradskim kamitecie pryrodnych resursaŭ i achovy navakolnaha asiarodździa.

Hłabalnaja akcyja «Hadzina Ziamli», jakaja arhanizujecca pa ŭsioj płaniecie Suśvietnym fondam dzikaj pryrody, projdzie 24 sakavika ŭ dziesiaty raz. U pieršuju čarhu, Kamitet pryrodnych resursaŭ zaklikaje ŭsich nieabyjakavych ŭ hety dzień adklučyć śviatło ad 20.30 da 21.30.

Akramia taho, a 20.30 zhaśnie padśvietka Nacyjanalnaj biblijateki, Opiery, Kupałaŭskaha teatra, Fiłarmonii, Muzieja historyi VAV i inšych značnych abjektaŭ.

Letaś u akcyi ŭdzielničali 11 biełaruskich haradoŭ i viosak, była adklučanaja padśvietka 200 abjektaŭ. Ekanomija skłała 3000 kVt/hadz. enierhii.

«Ale meta «Hadziny Ziamli» nie ŭ tym, kab aščadzić elektryčnaść. Heta hłabalny zaklik da aściarožnaha i adkaznaha staŭleńniu da pryrody, da rašučych mier pa zachavańni klimatu na našaj płaniecie», - padkreślili arhanizatary.

Minskaje viełasipiednaje tavarystva prymierkavała da «Hadziny Ziamli» zajezd «Da zhasłaj biblijateki». Viełasipiedysty startujuć a 20.00 ad Kamaroŭskaha skviera nasuprać vuł. V. Charužaj, 3. Maršrut projdzie praśpiektam Niezaležnaści i zavieršycca kala Nacyjanalnaj biblijateki. Tym, chto zachoča dałučycca, nieabchodna mieć pry sabie spraŭnyja i zaradžanyja viełasipiednyja lichtary (śpieradu - bieły, zzadu - čyrvony).

«Hadzina Ziamli» - najbujniejšaja ekałahičnaja akcyja, da jakoj u 2017 dałučylisia 25 młn čałaviek z 187 krain śvietu. Padśvietka była vyklučanaja bolš jak na 3,1 tys. architekturnych abjektaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0