U Katalonii pačalisia akcyi pratestu ŭ padtrymku zatrymanych palitykaŭ, paviedamlaje radyjo «Svabooda». Na vulicy Barselony vyjšli tysiačy ludziej, jakija trymajuć fatahrafii zatrymanych i patrabujuć ich vyzvaleńnia. Akcyi pratestu pačalisia taksama ŭ inšych katalonskich haradach.

Siońnia Viarchoŭny sud Hišpanii pryniaŭ rašeńnie aryštavać piać katalonskich palitykaŭ. Siarod aryštavanych — Žordzi Turul, jakoha dniami vyłučyli na pasadu kiraŭnika Katalonii. Jaho vinavaciać u miaciažy i marnavańni hramadzkich finansaŭ u suviazi z referendumam ab niezaležnaści Katalonii, jaki adbyŭsia letaś u kastryčniku.

Madryd tady nazvaŭ hałasavańnie niezakonnym i ŭvioŭ u Katalonii pramoje kiravańnie. Adnak na daterminovych parlamenckich vybarach 21 śniežnia minułaha hodu pieramohu ź nievialikaj pieravahaj znoŭ atrymali prychilniki niezaležnaści rehijonu.

Pavodle katalonskaha vydańnia La Vanguardia, sudździa matyvavaŭ aryšt vialikaj niebiaśpiekaj taho, što abvinavačanyja źbiahuć. Były kiraŭnik uradu Katalonii Karłes Pučdemon znachodzicca ŭ vyhnańni ŭ Bruseli, šerah inšych katalonskich lideraŭ užo ŭ turmie

Jak paviedamiła ahienctva Reuters, Viarchoŭny sud Hišpanii taksama abviaściŭ, što pavodle analahičnych abvinavačańniaŭ u miaciažy i marnavańni hramadzkich finansaŭ buduć sudzić 25 katalonskich palitykaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0