Z ahraharadku Alšany praciahvajuć pastupać naviny pra kanflikty miascovych žycharoŭ i milicyi. Partał abw.by paviedamlaje pra čarhovuju historyju. Biaspraŭnika, jaki chacieŭ źbiehčy ad milicyjantaŭ, zatrymlivali ŭ domie jaho brata. Jak kaža sam alšaniec, raspyliŭšy ślezaciečny haz.

Mužčyna raskazaŭ žurnalistam abw.by svaju viersiju padziej:

«Ja pražyvaju ŭ ahraharadku Alšany ŭ pryvatnym domie. U subotu, 17 sakavika, ja byŭ na zadnim dvary svajho doma, kali ŭbačyŭ, što pa dvary biažyć supracoŭnik milicyi z nadpisam na śpinie «AMAP», jon nakiravaŭsia ŭ moj dom. Ja byŭ ahałomšany: ničoha sabie, ni dobry dzień, ni što zdaryłasia, navat nie spytali, chto haspadar i ci možna zajści. Ja, naturalna, śpiašajusia śledam i baču, što amapaviec, dastaŭšy tabielnuju zbroju, pabieh na druhi pavierch. U domie znachodzilisia dzieci, małodšaj dačce — try hadki. Jana mocna spałochałasia, ubačyŭšy čałavieka sa zbrojaj, jaki kryčaŭ. U dziciaci pačałasia isteryka. Amapaviec zabieh u dziciačy pakoj naviersie, za im śledam — čarada inšych supracoŭnikaŭ milicyi, AMAPu i DAI. Ja kryčaŭ, što ja haspadar doma, što ja nie davaŭ nikomu prava zachodzić u pryvatny dom, prasiŭ usich vyjści, patrabavaŭ dakumienty, jakija dajuć prava na takija dziejańni. Mianie nichto nie słuchaŭ, na maje patrabavańni nichto nie reahavaŭ, jašče i pahražali prymianieńniem fizičnaj siły da mianie, zabaraniali zdymać na videa. Heta ŭ mianie va ŭłasnym domie mnie zabaraniajuć zdymać? U dziciačym pakoi byŭ moj rodny brat Siarhiej. Supracoŭniki ci to AMAPu, ci to DAI raspylili ŭ dziciačym pakoi ślezaciečny haz, pach jakoha razyšoŭsia pa ŭsim domie. Ad hetaha stała drenna dziciaci».

Vyśvietliłasia, što Siarhiej, brat Ivana, kataŭsia biez pravoŭ, paśla čaho vyrašyŭ źbiehčy ad milicyi. Ničoha lepš nie prydumaŭ, čym biehčy ŭ dom brata.

«Rašeńniem suda ja pazbaŭleny pravoŭ kiravańnia terminam na piać hadoŭ, — raspavioŭ Siarhiej. — Ale 17 sakavika sieŭ za styrno. Kali jechaŭ, to ŭbačyŭ zzadu ekipaž DAI. Sustreča ź imi nie ŭvachodziła ŭ maje płany, ja pasprabavaŭ uciačy. Pakinuŭšy aŭtamabil, ja zabieh u dom brata, paśla čaho ŭsio i pačałosia. Prosta ŭ dziciačym pakoi mnie ŭ tvar pyrsnuli brujoj hazu, nadzieli kajdanki, adnačasova złamaŭšy meblu. Ja pryznaju, što nie mieŭ prava tak pastupać, ale dziejańni supracoŭnikaŭ vidavočna vyjšli za miažu dapuščalnaha. U domie małyja dzieci, a jany sa zbrojaj napieravies stali raspylać haz. U vyniku mianie da 19 sakavika pratrymali ŭ izalatary, skłali pratakoły za jazdu biez pravoŭ i niepadparadkavańnie zakonnym patrabavańniam supracoŭnikaŭ milicyi i adpuścili».

Ciapier Ivan źbirajecca iści skardzicca ŭ prakuraturu na dziejańni milicyjantaŭ. Pravierku ich pavodzinaŭ pravodzić i Śledčy kamitet.

Samoha biaspraŭnika Siarhieja budzie čakać adkaznaść za niezakonnaje kiravańnie mašynaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?