Va ŭradzie Isłandyi razhladajuć pytańnie pra toje, kab u padtrymku Vialikabrytanii całkam admovicca ad prysutnaści na matčach i mierapryjemstvach čempijanatu śvietu pa futbole 2018 hoda ŭ Rasii. Pra heta sa spasyłkaj na ministra zamiežnych spraŭ krainy Hudłaŭhura Tor Tordarsana paviedamlaje miascovaje vydańnie RÚV.
Poŭny bajkot čempijanatu isłandskim uradam, jak rastłumačyŭ kiraŭnik zamiežnapalityčnaha viedamstva, budzie aznačać, što nijakija čynoŭniki krainy nie buduć prysutničać na mierapryjemstvach ČS-2018.
Pry hetym udzieł u spabornictvach nacyjanalnaj mužčynskaj futbolnaj kamandy i prysutnaść na matčach isłandskich zaŭziataraŭ nie buduć zabaronieny. Heta, pa słovach Tordarsana, «sumnievaŭ nie vyklikaje».
«Udzieł u ČS-2018 dla futbalistaŭ ź Isłandyi — unikalnaja mahčymaść», — zaŭvažyŭ ministr. Isłandskaja nacyjanalnaja zbornaja pa futbole, jak nahadvaje RÚV, u 2016 hodzie ŭpieršyniu ŭ svajoj historyi prymała ŭdzieł u finalnaj častcy kantynientalnaha pieršynstva: tady spartsmieny vyjšli ŭ čverćfinał čempijanatu Jeŭropy. «Vielmi važna, kab my zaraz, kali vyklikali da siabie takuju vialikuju cikavaść, skarystalisia hetaj mahčymaściu», — skazaŭ Tordarsan.
