U Słonimie na voziery ŭ mikrarajonie «Enka» 14 sakavika pad lod pravaliŭsia rybak. Na dapamohu mužčynu pryjšli vajskoŭcy 841-j hvardziejskaj hrupy artyleryi 11-j asobnaj hvardziejskaj miechanizavanaj bryhady. Z pałonki na bierah rybaku dapamoh vybracca kamandzir haŭbičnaha samachodna-artyleryjskaha dyvizijona hvardyi padpałkoŭnik Uładzimir Dvajažonaŭ, paviedamlaje Ministerstva abarony.
Spačatku kalehi Dvajažonava pasprabavali łamać drevy, kab dastać pažyłoha mužčynu, jaki tanuŭ.
U hety momant mužčyna kryknuŭ: «Siakiera! U bahažniku majoj mašyny jość siakiera! ». Vajennyja siakieraj śsiekli halinku, i ź joj rušyli da tapielca.
Jon schapiŭsia za jaje rukoj — ale mužčyna byŭ taki doŭhi čas u ledzianoj vadzie, što ŭ jaho praktyčna nie zastałosia sił, kab vyleźci. Jon sprabavaŭ uchapicca za bieražok lodu, ale ruki pastajanna saślizhvali.
U rešcie rešt padpałkoŭnik zmoh ŭchapicca za jaho kurtku - i znoŭ paciahnuŭ dzieda na siabie i zmoh vyciahnuć jaho na lod.
