«Hazprom» nabudzie dźvie hazavyja turbiny Siemens dla Hroźnienskaj TES. Pra heta havorycca ŭ zajavie rasijskaj kampanii, jaki pastupiŭ u RBK. U im ŭdakładniajecca, što 16 sakavika ŭ Sankt-Pieciarburhu adbyłasia sustreča kiraŭnika «Hazproma» Alaksieja Milera i prezidenta Siemens Džo Keziera, dzie abmiarkoŭvalisia pierśpiektyvy supracoŭnictva.
«Asablivaja ŭvaha była nadadziena pastaŭcy abstalavańnia dla Hroźnienskaj TES. Zhodna z padpisanym kantraktam, śpiecyjalistami Siemens buduć adhružany, ustanoŭleny i ŭviedzieny ŭ ekspłuatacyju dźvie hazavyja turbiny dla elektrastancyi ahulnaj mahutnaściu da 360 MVt. Zapusk abjekta płanujecca u 2019 hodzie», — paviedamlaje «Hazprom».
Pra toje, što rasijskaja karparacyja zakupić turbiny Siemens dla Hroźnienskaj TES, stała viadoma ŭ krasaviku 2015 hoda. Tady paviedamlałasia, što niamieckaja kampanija stała pieramožcam konkursu na pastaŭku abstalavańnia dla TES, budaŭnictvam jakoha zajmajecca «Hazprom enierhachołdynh». Pieršapačatkova havorka išła ab pastaŭcy paravych turbin.
