Aranžavy ŭzrovień niebiaśpieki abjaŭleny pa poŭdni Biełaruś 17 sakavika z-za mocnaha śniehu, paviedamlaje BiełTA.
Nadvorje ŭ Biełarusi ŭ subotu budzie ŭ asnoŭnym vyznačać vobłaść pavyšanaha atmaśfiernaha cisku, sfarmiravanaja ŭ chałodnaj pavietranaj masie, pa poŭdni budzie adčuvacca ŭpłyŭ frantalnaha padziełu. Čakajecca pieramiennaja vobłačnaść. U paŭdniovych rajonach Biełarusi prahnazujecca miacielica, na darohach buduć śniežnyja zanosy. Nočču i ranicaj pa Bresckaj vobłaści projdzie mocny śnieh. Na niekatorych učastkach daroh mahčyma hałalodzica. Viecier prahnazujecca uschodni, paŭnočna-zachodni paryvisty, nočču pa Bresckaj i Homielskaj abłaściach miescami mocny paryvisty. Tempieratura pavietra nočču i ranicaj panizicca da 7-13 hradusaŭ marozu, pa paŭnočnym uschodzie — minus 14-19 hradusaŭ. U druhoj pałovie dnia budzie 3-9 hradusaŭ nižej za nul.
