Palicyja Łondana pryjšła da vysnovy, što śmierć byłoha biznes-partniora Barysa Bierazoŭskaha, Mikałaja Hłuškova, była hvałtoŭnaj, i rasśleduje jaje jak zabojstva.
68-hadovy biznesoviec byŭ znojdzieny miortvym 12 sakavika ŭ svajoj kvatery na paŭdniovym zachadzie Łondana.
Śmierć Hłuškova nastupiła ad «zdušvańnia šyi», havorycca ŭ zajavie palicyi Łondana
«Na dadzienym etapie ništo nie pakazvaje na jakuju-niebudź suviaź z zamachami na zabojstva ŭ Sołśbiery, i niama nijakich dokazaŭ atručvańnia [Hłuškova]», — adznačyli ŭ palicyi.
Pieršym pra śmierć Hłuškova napisaŭ u «Fejsbuku» biznesmien Dziamjan Kudraŭcaŭ, siamji jakoha naležyć rasijskaja hazieta «Viedomosti». Kudraŭcaŭ pracavaŭ ź Bierazoŭskim i kiravaŭ vydavieckim domam «Kommiersant», jaki ŭ minułym naležaŭ niabožčyku-aliharchu.