Eks-inžynier «Hrodna Azot» za chabar asudžany da 3,5 hadoŭ pazbaŭleńnia voli, paviedamlaje BiełTA.
Sud Hrodzienskaha rajona vynies prysud pa karupcyjnaj spravie, fihurantami u jakoj vystupali žychar Hrodna i pradprymalnik ź Minska. Adzin z abvinavačanych pracavaŭ inžynieram u AAT «Hrodna Azot». Jon z 2013-ha pa lipień 2017 hodu nieadnarazova braŭ chabary za vyrašeńnie pytańniaŭ, jakija ŭvachodziać u jaho kampietencyju. Hrašovyja ŭznaharody pastupali pieravažna ad pradstaŭnikoŭ kamiercyjnych struktur.
U lipieni 2017 hoda inžyniera zatrymali na miescy złačynstva pry atrymańni chabaru. Śledstva doŭžyłasia paŭhoda, sprava była pieradadziena ŭ sud. Sud prysudziŭ byłoha inžyniera da 3,5 hadoŭ pazbaŭleńnia voli z kanfiskacyjaj majomaści. Druhi abvinavačany — staličny pradprymalnik — taksama byŭ zatrymany z dokazami złačynstva. Jon prysudžany da 2,5 hod abmiežavańnia voli biez nakiravańnia ŭ papraŭčyja ŭstanovy adkrytaha typu.
Akramia taho, hałoŭny abvinavačany całkam kampiensavaŭ dziaržavie dachod, atrymany złačynnym šlacham, što skłała $10 tysiač u ekvivalencie.
