Administracyja Centralnaha rajona Minska praviała sustreču 18 vypadkovych vybarcaŭ ź miascovymi deputatami i kiraŭnictvam.
Aproč inšych, na mierapryjemstvie byli kiraŭnik Centralnaha rajona Ihar Buzoŭski i staršynia Minharsavieta Vasil Panasiuk.
«Naša Niva» zapytałasia ŭ ich, ci nie zdavałasia b im spraviadlivym pieranazvać niejkija vulicy stalicy ŭ honar dziejačoŭ taho času.
«Pradkazvać ja nie budu, — skazaŭ Buzoŭski. — Siońnia jość pasył, kab my pryjšli da histaryčnych karanioŭ. My ŭzialisia, dziakujučy hetaj dacie, za histaryčnyja detali. Uspomnili histaryčnych asob, jakich chtości nie viedaje i nie źbiraŭsia ŭzhadvać. I ciapier pavinna vieścisia rabota, kab pra ich my daviedalisia bolš, kab jany stali našaj častkaj. Kab pierajmienavańnie, pra jakoje vy kažacie, nie vyhladała štučnym».
Ihar Buzoŭski.
Vasil Panasiuk skazaŭ, što Minski haradski saviet hatovy abmiarkoŭvać hetaje pytańnie.
«Pracedura pierajmienavańnia maje etapnaść: zvarot ad hramadzian razhladajecca spačatku na śpiecyjalnaj kamisii: vykankam, navukoŭcy i deputaty. Potym vystaŭlajem na hramadskaje abmierkavańnie, hladzim na reakcyju, zatym heta viartajecca ŭ stałuju kamisiju rady, a potym vyrašajecca. Kaniečnie, lubaja prapanova zasłuhoŭvaje ŭvahi.
U płanie isnych vulic heta zatratna, a novyja vulicy… heta možna abmiarkoŭvać. Ja pavažaju historyju krainy i horada, ja hatovy abmiarkoŭvać lubyja prapanovy, paŭtarusia, ja pavažaju historyju», — skazaŭ Panasiuk.
Vasil Panasiuk, fota Minsknews
