Navat u mirny čas rola Unutranych vojskaŭ vialikaja. Pra heta siońnia zajaviŭ Alaksandr Łukašenka, naviedvajučy napiaredadni 100-hodździa z dnia ŭtvareńnia ŭnutranych vojskaŭ MUS vajskovuju čaść 5448 u Minsku, piša BiełTA.
«Rola vialikaja, supakojvajučaja. Ja heta vielmi caniu, časta pra heta kažu i zaŭsiody nastojvaju na tym, kab vajskoŭcy ŭnutranych vojskaŭ nieśli słužbu, asabliva ŭ haradach, u Minsku, dzie roznych ludziej mora. I jašče važna: kali vy idziacie pa vulicy i bačycie patrul — vy siabie ŭpeŭniena i spakojna adčuvajecie. Asabliva baćki z maleńkimi dziećmi. Navat u mirny čas rola ich vialikaja», - zajaviŭ jon.
«Heta vojski, jakija ŭ mirny čas vykonvajuć funkcyi pa naviadzieńni ŭnutranaha paradku ŭ našaj krainie. Heta vojski praktyčna pastajannaj bajavoj hatoŭnaści, jak pamiežnyja i inšyja. Heta vielmi hanarovaja słužba. Chłopcy i baćki žadajuć, kab syny tut słužyli (užo i dziaŭčaty słužać). Jany siońnia razam ź milicyjaj harantujuć unutranuju biaśpieku našaj dziaržavy. Heta jany navodziać paradak, zmahajucca sa złačynnaściu, dapamahajuć i ŭčastkovym milicyjantam, i śledčym pastavić na miesca złačyncaŭ», — dadaŭ jon.
