Padatkaviki prosiać minčan paviedamlać ab tych, chto pracuje nielehalna. Dla hetaha jany zapuścili akcyju «Zapłaci padatki — pracuj sumlenna». Akcyja projdzie z 19 pa 23 sakavika, paviedamili ŭ IMPZ pa Minsku, piša Tut.by.
- Hramadzianie, jakija majuć infarmacyju ab fizičnych asobach, jakija akazvajuć pasłuhi biez vypłaty padatkaŭ (nielehalna), mohuć paviedamić pra heta štodnia z 09.00 da 18.00 pa telefonach: 229-26-60; 229-26-85, - raspaviali ŭ IMPZ pa Minsku.
Raniej padatkaviki prasili biełarusaŭ paviedamlać pra nielehalnych taksistaŭ, a taksama pra tych, chto nielehalna zdaje kvatery i haražy.
U MPZ raniej zajaŭlali, što aktyvizujuć pracu ŭ dačynieńni da hramadzian, jakija žyvuć «nie pa srodkach».
Nahadajem, u padatkovych orhanach pracuje aŭtamatyzavanaja sistema, jakaja dazvalaje supastaŭlać infarmacyju ab tym, kolki čałaviek zarablaje i kolki tracić. Naprykład, u bazie ŭtrymlivajecca infarmacyja ab zarpłacie pa asnoŭnym miescy pracy, ab atrymanych z-za miažy hrašovych pieravodach, ciapier da jaje dadaducca jašče i źviestki pra kredyty i ab kupli valuty. Akramia hetaha, baza «bačyć» darahija pakupki: kvatery, damy, transpartnyja srodki, haražy.