Svajaki źnikłaj babuli 1932 hoda naradžeńnia, kali jana nie viarnułasia dadomu, zabili tryvohu. Da jaje pošuku padklučylisia supracoŭniki adździaleńnia vyšukovaj pracy adździeła kryminalnaha vyšuku Čyhunačnaha RAUS. Adpracoŭvalisia roznyja viersii. Babula jak u vadu kanuła, raspaviadaje sb.by.
— Dapamahła infarmacyja pra jaje ŭ internecie razam z fota, — raspavioŭ načalnik padraździaleńnia Uładzimir Aleksandrenka. — Piersanał psichanieŭrałahičnaj balnicy horada Sočy paznaŭ svaju pacyjentku. Babula znachodziłasia ŭ ich pad inšymi asabistymi dadzienymi.
Pravaachoŭniki vyjavili, što babulu ŭ Sočy pamaniła mora. Jana dabrałasia da Branska, tam sieła na transpart da soniečnaha horada. Hrošy dla hetaha pryzapasiła. U Sočy dziŭnaja turystka źviarnuła na siabie ŭvahu i apynułasia ŭ psichanieŭrałahičnaj balnicy.
Paśla taho, jak paćvierdziłasia, što pacyjentka — hamialčanka, jakuju šukajuć rodzičy, za joj adpravilisia svajaki i zabrali dadomu.
