Niervova-paralityčnaje rečyva, jakim atruciŭsia były supracoŭnik HRU Siarhiej Skrypal, trapiła ŭ Vialikabrytaniju ŭ čamadanie jaho dački Julii, jakaja 3 sakavika prylacieła z Rasii. Pra heta piša The Telegraph sa spasyłkaj na krynicy ŭ śpiecsłužbach.
Surazmoŭcy raspaviali vydańniu, što Julija mahła navat nie ŭśviedamlać, što pravozić atrutnaje rečyva. Śledčyja adpracoŭvajuć viersiju pra toje, što rečyvam było pramočana adzieńnie, kaśmietyka i padarunki, jakija znachodzilisia ŭ čamadanie dački byłoha supracoŭnika HRU, jaki jany raspakavali ŭ domie Skrypala ŭ Sołśbiery. Adna z krynic vydańnia śćviardžaje, što ŭ kvateru Julii ŭ Maskvie mahli lohka praniknuć ludzi, jakija i padkłali jad u jaje bahaž. Vydańnie pakazvaje, što kontrterarystyčnaja palicyja i MI5 ŭžo admovilisia ad viersii, pavodle jakoj złačyncy sami trapili na terytoryju Vialikabrytanii z atrutnym rečyvam.
