Minskim rajonnym adździełam Śledčaha kamiteta vyśviatlajucca abstaviny śmierci dvuch čałaviek, jakija pierad hetym raśpivali škłoačyščalnik, paviedamlaje BiełTA.

Pa papiarednich dadzienych, ranicaj 5 sakavika ŭ vioscy Navasielle 40-hadovy mužčyna pryjšoŭ u hości da svajho 52-hadovaha znajomaha i prapanavaŭ vypić siniuju vadkaść, jakuju prynios u litrovaj płastykavaj butelcy.

Paśla raśpićcia hość pajšoŭ, a haspadar doma ŭviečary adčuŭ rezkaje niedamahańnie. U ciažkim stanie jon byŭ špitalizavany i, nie prychodziačy ŭ prytomnaść, pamior nočču ŭ špitali. 8 sakavika z toj samaj vioski ŭ balnicu z prykmietami atručvańnia mietyłavym śpirtam byli dastaŭleny miascovy žychar 1959 hoda naradžeńnia i toj ža 40-hadovy mužčyna, jaki, jak i ŭ pieršym vypadku, prapanavaŭ tavaryšu vypić nieviadomuju vadkaść. Paśla 58-hadovy mužčyna pamior. Inicyjatar znachodzicca ŭ ciažkim stanie ŭ špitali.

Клас
Панылы сорам
Ха-ха
Ого
Сумна
Абуральна