Ministerstva achovy zdaroŭja Ukrainy admianiła dyspansieryzacyju. Pra heta Ministerstva achovy zdaroŭja paviedamiła na aficyjnym sajcie. Ź siaredziny hoda Ukraina piarojdzie na madel rehularnych skryninhavych ahladaŭ pa hrupach ryzyki. Akramia taho, Ministerstva achovy zdaroŭja z 13 sakavika admianiła tałony na pryjom da doktara, miedkarty studentaŭ i miedkarty dla pastupleńnia ŭ škołu abo dziciačy sad.

Zamiest papiarovych tałonaŭ zaraz jość tolki forma «Žurnał rehistracyi ambułatornych pacyjentaŭ» — infarmacyja tudy budzie pieranosicca aŭtamatyčna z zapisaŭ ambułatornaj karty. Taksama ministerstva admianiła Knihu zapisu vyklikaŭ lekaraŭ dadomu, z hetaha času pacyjent i doktar buduć kantaktavać naŭprost.

Lekar nie pavinien budzie davać spravazdaču ab abaviazkovych naviedvańniach pacyjenta, a pieradavać tolki infarmacyju ab kolkaści zvarotaŭ i naviedvańniaŭ. Lekar i pacyjent atrymajuć dostup da numaroŭ telefona adzin adnaho i zmohuć źviazvacca naŭprost, kab razam vyrašać, ci patrebny vizit na dom.

Клас
Панылы сорам
Ха-ха
Ого
Сумна
Абуральна