Chakiery, jakija atakavali sierviery ŭrada Hiermanii, vykrali pratakoł kansultacyj ES i Vialikabrytanii pa Brexit, a taksama dakumienty pa pieramovach Jeŭrasajuza z Ukrainaj i Biełaruśsiu, piša Spiegel.

U kancy lutaha stała viadoma, što złamyśniki ŭzłamali ŭradavuju infarmacyjnuju sietku, bolš za ŭsio paciarpieli schoviščy dadzienych MZS i Minabarony Hiermanii. Paviedamlałasia, što ataku zafiksavali ŭ śniežni 2017 hoda, ale nieviadoma, jak doŭha škodnasny kod zastavaŭsia niezaŭvažanym.

Pa infarmacyi vydańnia, chakiery skrali šeść dakumientaŭ. Udakładniajecca, što pieršym vykrali materyjał pa Brexit, pry hetym ataka na sierviery z dakumientami pa Ukrainie i Biełarusi prachodziła ŭžo pad kantrolem pravaachoŭnikaŭ.

Raniej ahienctva DPA paviedamiła, što da napadu moža być datyčnaja hrupoŭka APT28, taksama viadomaja jak Fancy Bears, čyju dziejnaść źviazvajuć z Maskvoj.

Клас
0
Панылы сорам
0
Ха-ха
0
Ого
0
Сумна
0
Абуральна
0