«Niekalki słovaŭ u abaronu Chartyi i Parka vysokich technałohij», — taki artykuł na čarnasocienskim sajcie «Teleskop» źmiaściŭ adzin ź lidaraŭ kampanii «Havary praŭdu» Siarhiej Vaźniak. «Teleskop», za jakim stajać rusafiły, jak Leŭ Kryštapovič i Kirył Avierjanaŭ-Minski, drukuje materyjały pa historyi Biełarusi z rasijskaj pazicyi.

Siarhiej Vaźniak. Fota gazetaby.com.

Siarhiej Vaźniak. Fota gazetaby.com.

Šmat krytykujecca Kastuś Kalinoŭski, BNR. Pry hetym aktyŭna prapahandujecca vobraz Muraŭjova-viešalnika. Rekłamujucca knihi kštałtu «Nieśviadomaj historyi Biełarusi».

Čamu Vaźniak vyrašyŭ publikavacca na hetym sajcie? «Ja padzialaju mierkavańnie, što sajt čarnasocienski. Adnak albo my demakraty, albo nie. Albo my za svabodu słova, albo nie», — kaža Vaźniak. Jon nie ahučvaŭ, praz kaho supracoŭničaje z «Teleskopam».

Hanarary? «Nie, ja nie viedaju, što heta takoje», — adkazaŭ Vaźniak.

«Ja liču nie važnym, dzie ty publikuješsia. Važna — što ty kažaš. I pad kožnym radkom, što ja tam napisaŭ, hatovy padpisacca», — kaža palityk.

Ci nie ličyć jon, što svaimi publikacyjami raskručvaje takija nieadnaznačnyja sajty? «Jany za toje, što Krym ruski, a ja pasprabuju inšaje mierkavańnie napisać. Pahladžu, ci apublikujuć. Kali mianie buduć cenzuravać, tady spyniu supracoŭnictva. U mianie niama takich kompleksaŭ, ja chadziŭ i na dziaržaŭnaje telebačańnie, i heta nie značyć, što ja jaho lublu i raskručvaju. Vykarystoŭvaju lubyja placoŭki dla prasoŭvańnia svaich pohladaŭ. Mianie chvaluje, što ja kažu, a nie toje, dzie ja kažu», — raskazvaje Vaźniak.

«Ja vielmi šmat z čym niazhodny na «Teleskopie». Naprykład, z tym, što piša moj pryjaciel pa partyi [»Spraviadlivy śviet» — «NN»] Mikałaj Pietrušenka. Ja ź im spračaŭsia šmat, u nas supraćlehłyja pazicyi pa Krymie, pa rasijska-ŭkrainskim kanflikcie», — skazaŭ adzin ź lidaraŭ «Havary praŭdu».

Raniej na «Teleskopie» stali publikavacca namieśnik staršyni «Spraviadlivaha śvietu» Valeryj Uchnaloŭ, ekanamist-libierał Jarasłaŭ Ramančuk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?