12 kastryčnika 2017 hoda ŭ čas vyvadu na špacyr chłopiec dastaŭ z rukava nož i napaŭ na dvuch kantraloraŭ. Była zaviedziena kryminalnaja sprava za zamach na zabojstva dvuch čałaviek. Za heta pahražaje da 25 hadoŭ abo pažyćciovaje źniavoleńnie.

Zhodna z vysnovami śledčych, tak Kazakievič sprabavaŭ pieraškodzić pieratrusu. Jon celiŭsia adnamu z achoŭnikaŭ u žyćciova važnyja orhany. Toj adbiŭsia, ale ŭ hałavu byŭ paranieny druhi supracoŭnik.

Dla hetaha chłopiec, pa viersii śledstva, zahadzia znajšoŭ nož i schavaŭ u ciažkadastupnych miescach.

U vyniku maładomu čałavieku pradjaŭlena kančatkovaje abvinavačańnie pa artykułach padrychtoŭka da zabojstva i zamach na zabojstva dvuch čałaviek u suviazi ź ich słužbovaj dziejnaściu asobaj, jakaja raniej učyniła zabojstva. A taksama napad na pradstaŭnika administracyi papraŭčaj ustanovy z boku asudžanaha.

Na momant inkryminavanych dziej Kazakievič moh u poŭnaj miery ŭśviedamlać svaje dziejańni i kiravać imi.

Клас
0
Панылы сорам
0
Ха-ха
0
Ого
0
Сумна
0
Абуральна
0