Aŭtatranspartnaja dziaržaŭnaja ŭstanova «Biełtransspecaŭta», jakaja ŭvachodzić u strukturu Kiraŭnictva spraŭ prezydenta, abviaściła tender na nabyćcio transpartnych srodkaŭ, piša Radyjo Svaboda.

Siarod inšaha prezydenckaja struktura papaŭniaje lehkavy i pasažyrski aŭtapark. U zajaŭcy fihurujuć Mercedes-Benz S560 4 MATIC Long («majbach»), try Mercedes-Benz Je400, pazadarožnik Toyota Land Cruiser 200, reanimabil i hruzapasažyrski aŭtamabil.

Z umoŭna ajčynnych mašyn paznačany samy darahi varyjant biełaruska-kitajskaj «Džyli» — krasover Geely Atlas. Dylery vystaŭlajuć madel u pramiežku 17-25 tysiač dalaraŭ, zaležna ad kamplektacyi. Kiraŭnictva spravami hatova navat pierapłacić za terminovaść — da krasavika ŭ haražy musić stajać ekzemplar za 55 tysiač rubloŭ (blizu 28 tysiač dalaraŭ).

Za novy pazadarožnik Toyota Land Cruiser 200 ź dziaržaŭnaha biudžetu hatovyja vydatkavać amal 100 tysiač dalaraŭ — 183 tysiačy rubloŭ.

Košt troch Mercedes-Benz Je400 nie pavinny vyjści za 600 tysiač rubloŭ — inšymi słovami, nie daražej za 100 tysiač dalaraŭ za kožny.

«Majbach» «dla patrebaŭ Kiraŭnictva spraŭ prezydenta»

Samy darahi ŭ pieraliku — elitny Mercedes-Mybach S560 4 MATIC Long («majbach»). Za elitny asobnik z kanvejeru dziaržava hatova zapłacić 150-160 tysiač dalaraŭ.

Hruzapasažyrski aŭtamabil, marka jakoha nie ŭkazanaja, taksama nia z tannych — 109 tysiač rubloŭ ci bolš za 50 tysiač dalaraŭ.

Za sučasny reanimabil Kiraŭnictva spraŭ prezydenta nie paškaduje 426 tysiač rubloŭ ci bolš za 200 tysiač dalaraŭ u ekvivalencie.

Pa ŭkazanym dla patencyjnych pradaŭcoŭ telefonie Svabodzie skazali, što pieraličanyja aŭtamabili nabyvajucca «dla patrebaŭ Kiraŭnictva spraŭ prezydenta», ale dla jakich kankretna — paviedamić admovilisia. nia mohuć udakładnić, dla jakich metaŭ nabyvajucca pieraličanyja aŭtamabili. Ale z ulikam paznačanych koštaŭ vialikaja vierahodnaść, što za rul «Mersedesaŭ» šarahovyja klerki nia siaduć.

Razam usie pazycyi ŭ tendery ciahnuć amal na 1 miljon dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0