Abaronca «Fijarenciny» i zbornaj Italii Davide Astory siońnia ranicaj byŭ znojdzieny miortvym u pakoi hatela va Udynie, paviedamlajecca na aficyjnym sajcie «fijałak». 31-hadovy hulec pamior u śnie, pryčyny śmierci pakul nieviadomyja.
«Fijarencina» hłyboka ŭzrušanaja i vymušana abviaścić, što naš kapitan Davide Astory pamior. Uličvajučy ŭvieś žach i dalikatnaść hetaj situacyi, my zaklikajem ŚMI da prajavy čałaviečnaści — u pieršuju čarhu ŭ znak pavahi da jaho siamji», - havorycca ŭ paviedamleńni pres-słužby kłuba.
Pryčynaj śmierci nazvana niečakanaja chvaroba.
«Fijarencina» u 17:00 pavinna była na vyjeździe zhulać z «Udyneze» ŭ 27-m tury italjanskaj Sieryi A. Hulnia admieniena.
Paźniej stała viadoma, što admienieny ŭsie matčy tura čempijanatu Italii.
Getty Images
