UEFA na svaim aficyjnym sajcie apublikavaŭ źmieny ŭ farmatach Lihi čempijonaŭ i Lihi Jeŭropy ź siezona 2018/19.
U hrupavy etap Lihi čempijonaŭ aŭtamatyčna pucioŭki atrymajuć 26 kamand, uklučajučy pieramožcaŭ turniru i Lihi Jeŭropy minułaha siezonu.
Jašče šeść udzielnikaŭ vyznačacca ŭ chodzie kvalifikacyi. Pry hetym kožnaja kamanda, što vylecieła ŭ kvalifikacyi Lihi čempijonaŭ, atrymaje pucioŭku ŭ Lihu Jeŭropy. Taksama ŭviedzieny papiaredni raund kvalifikacyi ŭ Lizie čempijonaŭ (budzie praviedzieny mini-turnir z hulnioj na vybyvańnie) i ŭ Lizie Jeŭropy (dvuchmatčavaha supraćstajańnia).
U hrupavy etap Lihi čempijonaŭ naŭprost projduć pa čatyry macniejšyja kamandy z čatyroch asacyjacyj z najvyšejšym rejtynham (na dadzieny momant — Ispanija, Hiermanija, Anhlija, Italija), pa dźvie — ad asacyjacyj, jakija zajmajuć piataje i šostaje miescy ŭ rejtynhu: (Francyja i Rasija), a taksama čempijony asacyjacyj ź siomaj pa dziasiatuju pazicyi (Partuhalija, Ukraina, Bielhija, Turcyja). Adna asacyjacyja moža być pradstaŭlena na hrupavym etapie maksimum piaćciu kłubami.
Napramuju ŭ hrupavy etap Lihi Jeŭropy trapiać 17 kamand, jašče 10 kamand aŭtamatyčna atrymajuć pucioŭki ŭ asnoŭnuju sietku paśla vyletu z raŭnda płej-of i treciaha adboračnaha raŭndu Lihi čempijonaŭ. 21 miesca budzie razyhrana ŭ kvalifikacyi, padzielenaj na dva šlachi — čempijonaŭ i pradstaŭnikoŭ lih.
U hrupavy etap Lihi Jeŭropy adrazu patrapiać pa dźvie najmacniejšyja kamandy (paśla udzielnikaŭ Lihi čempijonaŭ) ź piaci asacyjacyj z najvyšejšym rejtynham (Ispanija, Hiermanija, Anhlija, Italija, Francyja). Pa adnoj kamandzie - ad asacyjacyj, jakija zajmajuć miescy z 6-ha pa 12-je ŭ rejtynhu (Rasija, Partuhalija, Ukraina, Bielhija, Turcyja, Čechija, Šviejcaryja).
