Rasija z 1 krasavika 2018 hoda stracić prava pravodzić mižnarodnyja spabornictvy pa šerahu vidaŭ sportu, paviedamlaje «Čempijanat.ru».

Adznačajecca, što ŭ kancy śniežnia 2017 hoda na sajcie Suśvietnaha antydopinhavaha ahienctva (WADA) byŭ apublikavany Mižnarodny standart adpaviednaści kodeksu arhanizacyi. Z rasijskaha boku jaho padpisała Rasijskaje antydopinhavaje ahienctva (RUSADA), jakoje ŭ ciapierašni čas nie adpaviadaje standartam.

Z hetaha času zajaŭki na praviadzieńnie čempijanataŭ śvietu i inšych bujnych spabornictvaŭ buduć prymacca tolki ad tych krain, urady jakich ratyfikavali, pryniali, adobryli Kanviencyju JUNIESKA abo dałučylisia da jaje, a Nacyjanalnyja alimpijskija kamitety i Nacyjanalnyja antydopinhavyja arhanizacyi byli pryznanyja adpaviednymi kodeksu. Z-za taho, što RUSADA nie adpaviadaje standartam WADA, mižnarodnyja fiederacyi nie zmohuć davać Rasii prava pravodzić bujnyja turniry.

Na spabornictvy, kantrakt na praviadzieńnie jakich užo padpisany (naprykład, čempijanat śvietu pa futbole), zabarona nie raspaŭsiudžvajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0