Fota: Ina Maksimčyk, grodno.greenbelarus.info

Fota: Ina Maksimčyk, grodno.greenbelarus.info

Skraznaja truba z hafryravanaha mietału z dvuch bakoŭ vyvodzić naŭprost u lasnyja zaraśniki, mahistral idzie paviersie. Paznać pierachod možna pa šumapadaŭlalnych panelach uzdoŭž nasypu. Ale kalidoraŭ ź sietki, jakija pavinny adcisnuć dzikich žyvioł ad prajeznaj častki i nieprykmietna nakiravać u tunel, pakul niama.

Tolki padčas rekanstrukcyi i madernizacyi trasy M6 Minsk — Hrodna prajektam byli zapłanavany dva padziemnyja pierachody dla bujnych kapytnych, choć pa Hrodzienskaj vobłaści ŭzdoŭž darohi praktyčna ŭsiudy husty les.

Amal na miažy Lidskaha i Ščučynskaha rajonaŭ darožniki całkam skončyli budaŭnictva tunela. Pakul heta pieršaje takoje zbudavańnie ŭ vobłaści.

Fota: Ina Maksimčyk, grodno.greenbelarus.info

Fota: Ina Maksimčyk, grodno.greenbelarus.info

Čarhovy pierachod budzie znachodzicca na miažy Lidskaha i Iŭjeŭskaha rajonaŭ. Pracy tam pavinny skončyć da vosieni. Pra heta Hrodzienskamu Zialonamu partału raspavioŭ hałoŭny inžynier RUP «Hrodnaaŭtador» Alaksandr Marculevič, pieradaje hrodna.life.

Dla tunela aračnaha typu vybrali hafravanuju mietaličnuju trubu zamknionaha siačeńnia. Jaho vyšynia 4,5 mietry, šyrynia: ad 10 da 8 mietraŭ, daŭžynia prykładna 40 mietraŭ. Raniej padziemnyja pierachody dla žyvioł budavali ź bietonu, prykładna tych samych pamieraŭ pa vyšyni i šyryni. Hafryravanyja — ekanamičniejšyja — ich nie treba ramantavać, tynkavać. Košt adnaho tunela — 600 tysiač rubloŭ, harantyja 50 hadoŭ.

Fota: Ina Maksimčyk, grodno.greenbelarus.info

Fota: Ina Maksimčyk, grodno.greenbelarus.info

Paśla rekanstrukcyi M6 na trasie ŭ Hrodzienskaj vobłaści budzie ŭstalavana z abodvuch bakoŭ pa 39 kiłamietraŭ achoŭnaj sietki vyšynioj 2,4 mietra. U ŚMI paviedamlałasia, što sietka budzie na ŭsim praciahu lasistaj miascovaści, ale heta akazałasia nie tak. Pahonny mietr sietki kaštuje prykładna 30 rubloŭ.

Praŭda, dla nievialikich źviarkoŭ i ziemnavodnych — sietka nie pieraškoda. Asobnych pierachodaŭ dla ich nie praduhledžana. Miarkujecca, što ziemnavodnyja zmohuć pry nieabchodnaści trapić na druhi bok praz šmatlikija vodaadvodnyja truby, a prykładna praz kožnyja 10 kiłamietraŭ jość puciepravod abo most, pad jakimi možna biaśpiečna prajści.

Košt rekanstrukcyi mahistrali M6 Minsk — Hrodna — kala $250 młn. Skrazny prajezd miarkujuć puścić da kanca 2018 hoda, całkam rekanstrukcyja pavinna zaviaršycca ŭ pieršaj pałovie 2019 hoda.

Клас
Панылы сорам
Ха-ха
Ого
Сумна
Абуральна