Arhkamitet Biełaruskaj chryścijanskaj demakratyi zrabiŭ zajavu adnosna niadaŭna stvoranaj arhanizacyi «Dzieja». Abureńnie BCHD vyklikajuć akcyi ŭ ramkach kampanii «Lehałajz Biełaruś», jakuju padtrymlivajuć asobnyja siabry «Dziei». Naprykład, 25 śniežnia ŭ Minsku była praviedzienaja tak zvanaja «kanaplanaja kalada».

Kanaplanaja kalada. Fota facebook.com.

Kanaplanaja kalada. Fota facebook.com.

Na dumku BCHD, takija akcyi «dyskredytujuć demakratyčnuju apazicyju i abražajuć chryścijan našaj krainy».

«Padčas «kaladavańnia» siabry «Dziei» chadzili horadzie Minsku i śpiavali biełaruskija kaladnyja pieśni, dzie imia Chrysta było zamienienaje na słova «handžubas» (što značyć «narkata»). «Handžubas radziŭsia, śviet uźviesialiŭsia, Handžubasa radžeńnie — śvietu na zbaŭleńnie», — havorycca ŭ zajavie.

«Na adnych pikietach siabraŭ «Dziei» — łahatyp 100 hadoŭ BNR i bieł-čyrvona-bieły ściahi, na inšych — patrabavańnie lehalizacyi narkotykaŭ, hańbavańnie biełaruskich nacyjanalnych chryścijanskich himnaŭ. Niedarečnaja i pravakacyjnaja kampanija «lehałajzu» dyskredytuje i stavić pad udar kampanii, što pravodziacca demakratyčnymi siłami krainy, u tym liku śviatkavańnia 100-hodździa BNR», — ličać chadeki.

U vyniku BCHD zaklikaje «Dzieju» «spynić hańbavańnie chryścijanskaj spadčyny praź ŚMI i sacsietki», a taksama asudžajuć kampaniju za lehalizacyi narkotykaŭ.

«My pierakananyja, što imia BCHD, jak i imia ŭsiaho demakratyčnaha biełaruskaha ruchu nie pavinna stajać pobač z takimi sumnieŭnymi kampanijami», — adznačajecca ŭ zajavie.

U listach, što Vital Rymašeŭski dasyłaŭ rehijanalnym kaardynataram BCHD, havaryłasia, što «Dzieja» svaimi ŭčynkami «hańbić Chrysta».

Suzasnavalnik hramadskaha ruchu «Dzieja», adzin z udzielnikaŭ «kanaplanaj kalady» Piatro Markiełaŭ daŭ dla «NN» kamientar adnosna zajavy BCHD.

«Chryścijanskija kaštoŭnaści — heta najpierš niahvałt, luboŭ i spačuvańnie. Hetaja palityčnaja zajava maje na mecie zdabyć palityčny kapitał siarod kansiervatyŭnych nacyjanalistaŭ. Ahulny styl vielmi padobny da taho, što my bačyli pa BT: heta nierazumieńnie prablemy, skažeńnie faktaŭ, manipulacyi, papulizm.

Vital Rymašeŭski [sustaršynia BCHD — «NN»] choča zachavać manapoliju na pracu z prablemaj 328. Jon vystupaje suprać źmiakčeńnia pakarańniaŭ pa artykule 328 KK i nie viedaje, što šmat jakija narkotyki ŭ Biełarusi lehalizavanyja», — kaža Markiełaŭ.

Piatro taksama padkreślivaje, što abvinavačvańni BCHD u adras «Dziei» nie zusim karektnyja. «Sprava ŭ tym, što «Dzieja» aktyŭnym bokam u hetym pytańni źjaŭlajecca tolki ŭ zajavie BCHD.

«Dzieja» zaŭsiody paznačaje, što «Lehałajz Biełaruś» nie ahulnaja kampanija, a tolki častki aktyvistaŭ.

Adna z metaŭ «Dziei» — spryjańnie prasoŭvańniu pryvatnych inicyjatyvaŭ jaje aktyvistaŭ, jakija nie supiarečać kaštoŭnaściam čałaviečaj hodnaści, svabody, demakratyi, nacyjanalnych kaštoŭnaściaŭ. I dla hetaha vykarystoŭvajucca ahulnyja kamunikacyjnyja instrumienty: rassyłka, publičnaja staronka», — padsumoŭvaje Piotr Markiełaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?