Ministr pa pytańniach humanitarnaj dapamohi i biežancaŭ u Polščy Bieata Kiempa zajaviła, što ŭ krainie znachodziacca ŭžo bolš za 2 miljony ŭkrainskich imihrantaŭ, paviedamlaje Super Express.

«Pavodle našych acenak, ukraincaŭ u Polščy ŭžo moža być bolš za 2 miljony. Viadoma, mnohija ź ich tut u suviazi z kanfliktam va Ukrainie.

Heta taksama arhumient, jaki my pradstavim u Jeŭrapiejskuju kamisiju, čamu my nie prymali biežancaŭ padčas papiaredniaha raźmierkavańnia (prahramy ES pa pierasialeńni mihrantaŭ. — Red.)», — zajaviła Kiempa.

Ministr padkreśliła, što Polšča nie maje prablem ź nielehalnym napłyvam ukrainskich imihrantaŭ i dadała, što ŭkraincy stanoŭča paŭpłyvali na rynak pracy. «Jany pracujuć adkazna. Biespracoŭje źniziłasia da rekordnaha ŭzroŭniu», — patłumačyła jana.

Ale, zaŭvažaje Kiempa, ukraincy pavinny pryniać da ŭvahi, što Polšča nie pahodzicca na «niapravilnyja kody pamiaci».

Клас
Панылы сорам
Ха-ха
Ого
Сумна
Абуральна