Ułady nieaficyjna prapanavali arhkamitetu pa śviatkavańni 100-hodździa Biełaruskaj Narodnaj Respubliki pravieści śviatočnyja mitynh i kancert u parku imia Janki Kupały abo kala Opiery ŭ Minsku.

«Minharvykankam prapanuje arhanizataram śviatkavańnia 100-hodździa BNR 25 Sakavika abmiežavacca mitynham i śviatočnym kancertam», — paviedamiŭ u siabie ŭ fejsbuku adzin z zajaŭnikaŭ śviata Vital Rymašeŭski. — Ułady prapanoŭvajuć arhkamitetu padać novuju zajaŭku z prośbaj dazvolić praviadzieńnie mitynhu i kancertu ŭ parku imia Janki Kupały abo kala Opiernaha teatra. U vypadku zhody prapanujuć navat svaju hukaŭzmacnialnuju aparaturu, nie patrabavać hrošaj za pasłuhi chutkaj i milicyi, zhodnyja ŭstalavać pamiatny znak da 100-hodździa BNR», — piša Rymašeŭski.

Pieršapačatkova arhkamitet prasiŭ dazvolić šeście pa maršrucie z płoščy Jakuba Kołasa da płoščy Svabody i mitynh tam. Ale ŭ Minharvykankamie kažuć — tam u hety čas budzie katalicki Vierbny kirmaš.

25 sakavika 1918 hoda Rada Biełaruskaj Narodnaj Respubliki Treciaj Ustaŭnoj hramataj abviaściła niezaležnaść. Heta stała pavarotnym momantam u historyi krainy. Sioleta adznačajecca 100-hodździe hetaj padziei.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?