Cyrulni «Jaś i Janina», jakija znachodzilisia na vulicy Kazłova ŭ Minsku, spynili pracu, pieradaje karespandent ahienctva «Minsk-Naviny».

Z pytańniem, čamu tak adbyłosia, žurnalistka źviarnułasia ŭ AAT «Uschod», jakomu naležyli cyrulni. Načalnik jurydyčnaha adździeła pradpryjemstva Valancina Laŭkoŭskaja skazała:

— Skončyŭsia termin damovy arendy z UP «ŽREA Savieckaha rajona h. Minska», i nam prapanavali vyzvalić abodva pamiaškańni. Čatyroch cyrulnikaŭ, adnaho majstra manikiuru i adnaho — piedykiuru «Janiny» my pieraviali ŭ inšuju cyrulniu. U «Jasiu» pracavali try mužčynskija majstrychi. Jany zvolnilisia.

Toj fakt, što arendadaŭca nie daŭ mahčymaści cyrulniam praciahnuć dziejnaść, akazvajučy ludziam zapatrabavanyja pasłuhi, vyklikaŭ ździŭleńnie. Ale zvanok va UP «ŽREA Savieckaha rajona h. Minska» ŭsio rasstaviŭ pa svaich miescach.

— U abjektaŭ nabrałasia vialikaja zapazyčanaść za arendu, — patłumačyła načalnik adździeła niežyłoha fondu pradpryjemstva Natalla Šyrokaja. — Pahašać jaje jany navat nie pačali. A my, zhodna z ukazam prezidenta ad 15 listapada 2016 h. № 421, častku srodkaŭ z kožnaj damovy abaviazany rehularna pieraličvać u biudžet. I ŭ nas nie było inšaha vyjścia, akramia jak pierapynić dahavornyja adnosiny.

Dalejšy los vyzvalenych kvadratnych mietraŭ budzie vyrašać kamisija, jakaja razhledzić prapanovy pa ich metavym vykarystańni. Potym pamiaškańni vystaviać na aŭkcyjon. Ale nie fakt, što ŭ vyniku tudy zajeduć abjekty industryi pryhažości.

Клас
0
Панылы сорам
0
Ха-ха
0
Ого
0
Сумна
0
Абуральна
0