Vonkava navinki ničym nie adroźnivajucca ad svaich papiarednikaŭ — Galaxy S8 i Galaxy S8+. Źmianiłasia tolki raźmiaščeńnie adbitka palca: ciapier jon znachodzicca nie sprava ad kamiery, a pad joj. 

Ekrany nie źmianilisia: 5,8 i 6,2 cali z razroźnieńniem 1440×2960 piksielaŭ. Akramia standartnych koleraŭ, šeraha, čornaha i błakitnaha, źjaviŭsia novy varyjant — bezavy.

Asnoŭny ž akcent zrobleny na palepšanych charaktarystykach kamiery. «Kamiera Galaxy S9 atrymała źmianialnuju dyjafrahmu ŭ dyjapazonie ad f/1,5 da f/2,4», — z honaram zajavili na prezientacyi. U raniejšych madelach pakazčyk apiertury składaŭ f/1,7. Razroźnieńnie kamiery zastałosia raniejšym — 12 Mp.

Źjaviłasia novaja sistema šumapryhłušeńnia na fota: smartfon robić adrazu 4 zdymki, zatym złučaje ich u adzin dla pavyšeńnia rezkaści.

Galaxy S9+ taksama atrymaŭ jašče adnu «fišku» — padvojnuju kamieru. Heta dazvalaje zdymać abjekty z dvuchrazovym aptyčnym pavieličeńniem i prahramna razmyvać zadni fon na partretach.

U adkaz na pradstaŭlenyja Apple razam z iPhone X animavanyja emodžy, Samsung stvaryła svaju «fišku» — AR Emoji. Z dapamohaj frantalnaje kamiery smartfon składaje abjomnuju masku tvaru karystalnika i stvaraje virtualnaha animacyjnaha piersanaža, jaki paŭtaraje ruchi i mimiku tvaru.

Virtualny asistent Bixby, jaki nie nabyŭ vialikaj papularnaści, ciapier moža vyznačać kałaryjnaść ježy pa fota. 

Zajaŭlenyja na prezientacyi košty Galaxy S9 | S9+ u minimalnych kanfihuracyjach składajuć adpaviedna 720 i 840 dalaraŭ. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?