Były redaktar «Sovietskoj Biełoruśsii» Pavieł Jakubovič źviarnuŭ uvahu, što dziaržava vydzialaje nastaŭnikam dadatkovyja srodki na drukavanuju pradukcyju.

«Nastaŭnikam vydzialajucca srodki dla padpiski na presu. I paviercie, kali nastaŭnik vypiša «Sovietskuju Biełoruśsiju», to heta jaho pieravaha. … Ale na jaho biedny zarobak dziaržava ni ŭ jakim razie nie pretenduje», — skazaŭ Pavieł Jakubovič.

Pavodle zakanadaŭstva, rabotniki adukacyi atrymlivajuć štomiesiačnuju kampiensacyju vydatkaŭ «na nabyćcio navučalnaj i mietadyčnaj litaratury». Heta 15% ad taryfnaj staŭki pieršaha razradu, što ciapier składaje 4,95 rubla.

Ci ličycca «Sovietskaja Biełoruśsija» navučalnaj i mietadyčnaj litaraturaj — pytańnie biez adkazu. Ale ci chapaje nastaŭnikam tych srodkaŭ, što vydzialajucca dziaržavaj?

«Na kartku spačatku prychodzić zarobak, a paśla, u toj ža dzień ci na nastupny, asobna hetyja 4,95 rubla. Heta — na ŭsiu litaraturu, jakaja moža spatrebicca. Prykładna stolki kaštuje adna mietadyčnaja knižka, dobryja dapamožniki našmat daražejšyja. U realnaści na ŭsio sychodzić našmat bolš hrošaj, 4,95 rubla — heta ŭvohule śmiešna», — tłumačać nastaŭniki.

Naturalna, što na vypisvańnie haziet z hetych hrošaj ničoha nie zastajecca. Tym bolš, što padpiska na miesiac na «Sovietskuju Biełoruśsiju» kaštuje 8,09 rubla, a na «Nastaŭnickuju hazietu» — 8,90 rubla.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?