Minski mietrapaliten pravodzić vialikuju rabotu pa źmienie padychodaŭ da raźmiaščeńnia vonkavaj rekłamy, paviedamiŭ na apieratyŭnaj naradzie ŭ Minharvykankamie hałoŭny architektar Minska Pavieł Łučynovič, pieradaje karespandent ahienctva «Minsk-Naviny».

— Raspracavany i ŭzhodnieny novyja varyjanty rekłamnaha afarmleńnia 10 stancyj mietrapalitena z 29. Ahulny padychod — vyklučeńnie vonkavaj rekłamy na samich stancyjach, uparadkavańnie raźmiaščeńnia jaje ŭ viestybiulach i na inšych abjektach, uviadzieńnie patrabavańniaŭ da vyhladu rekłamnych kanstrukcyj, ich padśvietki, — rastłumačyŭ P. Łučynovič.

Jon dadaŭ, što ŭ 2017 hodzie praviedziena surjoznaja praca pa ŭparadkavańni raźmiaščeńnia i ŭtrymańnia vonkavaj rekłamy ŭ horadzie. Byŭ vyvučany dośvied Maskvy, Sankt-Pieciarburha, Kijeva, Ryhi, Varšavy. U vyniku raspracavany Praviły afarmleńnia vonkavaj rekłamy ŭ Minsku. Ciapier paśla šmatlikich abmierkavańniaŭ u rabočaj hrupie pa rekłamnym afarmleńni stalicy praviły prachodziać uzhadnieńni z zacikaŭlenymi viedamstvami. Taksama składziena prahrama paetapnaj realizacyi architekturna-mastackaj kancepcyi vonkavaj rekłamy.

Клас
0
Панылы сорам
0
Ха-ха
0
Ого
0
Сумна
0
Абуральна
0