Aktyvistka i režysierka Volha Nikałajčyk razam z aktyvistam «Jeŭrapiejskaj Biełarusi» Arciomam Čarniaŭkaj i jašče adnoj dziaŭčynaj, jakaja nie pažadała nazvać svaje imia, u niadzielu 25 lutaha zładzili niezvyčajny pikiet la budynku Ministerstva infarmacyi ŭ Miensku, pieradaje belsat.eu.

Jany prynieśli vialikuju kastrulu z haračaj łokšynaj i pačali razdavać jaje minakam. Pavodle zadumki aktyvistaŭ, takaja akcyja dapamoža pryciahnuć uvahu da represijaŭ u dačynieńni da niezaležnych ŚMI i cisku na błohiera Nexta.

Pavodle słovaŭ arhanizataraŭ, ich aburaje toje, što ŭłady cisnuć na ŚMI za hrošy padatkapłacielščykaŭ: užo miesiac jak zabłakavany sajt «Chartyi-97», jašče raniej zabłakavali «Biełaruski partyzan». Aktyvisty aburylisia i vypadkam sa źbićciom na vybarčym učastku apieratara «Biełsata» Andrusia Kozieła.

Pikietoŭcy raspaviadali pra ŭsie hetyja vypadki cikaŭnymi minakam, tłumačyli,što dziaržaŭnaja presa i Mininfarm «viešajuć łokšynu na vušy hramadzianam».

Milicyja padjechała na miesca pikietu, kali aktyvisty ŭžo sabrali rečy i syšli. Pakul infarmacyi ab składańni pratakołaŭ za «niesankcyjanavanaje praviadzieńnie mierapryjemstva» niama.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?