Jak paviedamlaje «Lidskaja hazieta», dvoje maładych ludziej i dziaŭčyna, u jakoj razbalełasia hałava, bližej da ranicy adpravilisia ŭ apteku z kruhłasutačnym režymam pracy pa leki. Kupiŭšy ich, trya pakinuła apteku, ale tut uźnikła pytańnie: a čym zapić tabletku? Adzin z maładych ludziej vyrašyŭ viarnucca ŭ apteku, kab paprasić šklanku vady ŭ jaje rabotnika. Viarnuŭsia i paprasiŭ. Vykanać jaho prośbu aptekar, maładaja dziaŭčyna, admoviłasia. Tady prośba prahučała bolš nastojliva, ale naležnaha vyniku nie było.

Dalej kamunikacyja pamiž naviedvalnikam apteki i jaje rabotnikam pierajšła na bolš emacyjnym uzrovień. U niejki momant pierakanaŭšysia, što niecenzurnyja słovy, hetak ža jak i pakazany ŭ abraźlivym ruchu siaredni palec, nie pryvodziać da čakanaha efiektu i zapavietnaj šklanki vady, 28-hadovy lidčuk nie prydumaŭ ničoha lepšaha, akramia jak… rasšpilić štany. Kamiery videanazirańnia zachavali hety niaścipły momant. Darečy, mienavita z dapamohaj videazapisu potym udałosia vyznačyć asobu «kreatyŭščyka».

Usie akaličnaści pa hetym zdareńni vyvučajuć rabotniki Lidskaha rajonnaha adździeła Śledčaha kamiteta Respubliki Biełaruś u ramkach zaviedzienaj kryminalnaj spravy pa art. 339 č.1 KK RB, jaki traktuje pavodziny maładoha čałavieka jak chulihanstva.

Клас
0
Панылы сорам
0
Ха-ха
0
Ого
0
Сумна
0
Абуральна
0