Tajskija palicyjanty zatrymali dziesiacioch hramadzian Rasii, jakija padazrajucca ŭ niezakonnym praviadzieńni seks-treninhaŭ u Patai, paviedamlaje hazieta The Nation.

Pavodle jaje źviestak, zatrymańni byli praviedzieny ŭ adnym z hatelaŭ kurortnaha horada, dzie znachodzilisia 43 turysty z Rasii. U chodzie dopytu jany raskazali, što kožny zapłaciŭ za kurs 20 tys. bataŭ ($ 638). Paśla dopytu palicyjanty adpuścili ŭsich rasiejcaŭ, akramia 10 arhanizataraŭ. Adnaho ź ich abvinavacili ŭ parušeńni mihracyjnaha zakanadaŭstva Tajłanda, traich - u niezakonnym praniknieńni na terytoryju krainy. Astatnim pradjavili abvinavačańnie ŭ nielehalnaj pracoŭnaj dziejnaści biez afarmleńnia dazvołu na pracu. Hazieta imiony zatrymanych nie nazyvaje. Pa dadzienych ahienctva TASS, adnym z arhanizataraŭ seks-treninhaŭ u Patai źjaŭlajecca błohier Alaksandr Kiryłaŭ, viadomy jak Aleks Leśli. Jon, darečy, uradženiec Viciebska

Na videazapisie telekanała Nation TV, apublikavanym na YouTube, pakazanyja kadry palicejskaj apieracyi pa zatrymańni rasiejcaŭ. Na ich možna ŭbačyć ludziej, padobnych na Aleksa Leśli, a taksama na Anastasiju Vašukievič, viadomuju pad psieŭdanimam Naścia Rybka.

Клас
0
Панылы сорам
0
Ха-ха
0
Ого
0
Сумна
0
Абуральна
0