Amerykanskaja vyviedka abvinavaciła Rasieju ŭ kiberatacy na kamputary arhanizataraŭ Alimpijady-2018. Pra heta piša Washington Post z spasyłkaj na svaje krynicy.
Pavodle vydańnia, rasiejskija chakiery sprabavali zrabić tak, kab ślady ŭzłomu viali ŭ Paŭnočnuju Kareju.
U Paŭdniovaj Karei paćvierdzili infarmacyju pra kiberataku padčas adkryćcia Alimpijskich hulniaŭ 9 lutaha. Jana vyklikała pieraboi z dostupam da internetu, systemaŭ viaščańnia i aficyjnaha sajtu Alimpijady. Naviedniki nie mahli razdrukavać kvitki na cyrymoniju adkryćcia, i šmat miescaŭ na trybunach zastalisia pustymi.
Arhanizataram spatrebiłasia kala 15 hadzin dla pryviadzieńnia kamputarnaj systemy ŭ narmalny stan.
Analityki miarkujuć, što tak rasiejcy pomścili za niadopusk rasiejskaj kamandy na Alimpijadu praz dopinhavy skandał. (Asobnyja spartoŭcy vystupajuć pad nazvaj «Alimpijskija atlety z Rasiei» biaz prava na nacyjanalny himn i ściah).
Pavodle krynicaŭ Washington Post, ataka moža paŭtarycca i padčas cyrymonii zakryćcia Alimpijskich hulniaŭ.
